Gopichand Padalkar: “३,५०० कोटींचे कारखानदारांचे कर्ज आणि OTS माफी आता चालणार नाही”; विट्यातून आ. गोपीचंद पडळकर यांचा थेट इशारा, टेंभू-म्हैसाळ निधीचाही मांडला हिशोब

Sangli Today Desk
By
Sangli Today Desk
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक...
- News Desk
विट्यातून आ. गोपीचंद पडळकर यांचा कारखानदारांच्या ₹३,५०० कोटींच्या कर्जावर थेट इशारा; टेंभू-म्हैसाळ निधीवरही मोठे वक्तव्य.

सांगली (सांगली टुडे वृत्तसेवा): “दीडशे कोटी रुपये किमतीच्या साखर कारखान्याला साडेतीनशे कोटींचे कर्ज द्यायचे आणि पुन्हा ओटीएस (OTS) योजनेखाली ते माफ करायचे, हा प्रकार आता खपवून घेतला जाणार नाही. कारखानदारांना वाटलेले ३,५०० कोटी रुपये, डुप्लिकेट सोन्यावरील कर्जाच्या सर्व फाईल्स तसेच प्रत्यक्ष गोडाऊनमधील साखरेच्या साठ्याची तपासणी करण्याची मागणी बँकेकडे केली आहे,” असा थेट इशारा आमदार गोपीचंद पडळकर (Gopichand Padalkar) यांनी दिला.

भाजप विटा शहर मंडल अध्यक्षपदी प्रशांत आप्पा कांबळे यांची निवड झाल्याबद्दल तसेच जत मतदारसंघातून सांगली जिल्हा मध्यवर्ती सहकारी बँकेच्या संचालकपदी निवड झाल्याबद्दल खानापूर तालुका भाजपच्या वतीने विटा येथे आयोजित भव्य सत्कार कार्यक्रमात ते बोलत होते.

हेही वाचा: सांगली जिल्ह्यातील शेतकऱ्यांना मोठा दिलासा; आजपासून ‘म्हैसाळ’ आणि ‘ताकारी’ योजनांचे आवर्तन सुरू, दुष्काळी भागासाठी २८ टीएमसी पाण्याचे नियोजन.

टेंभू, म्हैसाळ आणि जत सिंचनासाठी कोट्यवधींचा निधी 

यावेळी बोलताना आमदार पडळकर यांनी दुष्काळी भागातील सिंचन प्रकल्पांसाठी राज्य सरकारने दिलेल्या निधीचा सविस्तर तपशील मांडला. ते म्हणाले की, मुख्यमंत्री देवेंद्र फडणवीस यांनी बांधावर जाऊन ३०५ तालुक्यांत दुष्काळ जाहीर करत दिवाळीपूर्वी शेतकऱ्यांच्या खात्यात मदत जमा केली. राज्यातील शेतकऱ्यांचे ५० हजार कोटींचे वीजबिल माफ करून दिवसा वीज उपलब्ध करून दिली आहे.

सिंचन योजनांबाबत बोलताना त्यांनी सांगितले की, जत सिंचन योजनेसाठी २,००० कोटी रुपये, टेंभू योजनेसाठी ७,००० कोटी रुपये आणि म्हैसाळ सोलार प्रकल्पासाठी १,८०० कोटी रुपये सरकारने दिले आहेत. कोयना धरणात पाणीसाठा कमी असल्याने टेंभूचे पाणी शेतकऱ्यांनी जपून वापरावे, असे आवाहनही त्यांनी यावेळी केले.

हेही वाचा: लाडक्या बहिणींचे १,५०० रुपये नेमके कुठे खर्च होतात? राष्ट्रीय महिला आयोगाचा अहवाल समोर; बचत वाढली पण उत्पन्नाचे साधन मात्र नगण्य.

१८ महामंडळांमधून तरुणांना उद्योग कर्ज खुले करणार 

एकाच कारखान्याला ५०० कोटी रुपये देण्याऐवजी अण्णासाहेब पाटील महामंडळ, वसंतराव नाईक महामंडळ, महात्मा बसवेश्वर महामंडळ, राजे उमाजी नाईक महामंडळ आणि बारा बलुतेदारांच्या सर्व १८ महामंडळांमधून तरुणांना उद्योगासाठी बँकेतून कर्ज उपलब्ध करून देण्यासाठी प्रयत्नशील असल्याचे त्यांनी सांगितले. तसेच ज्या शेतकऱ्यांच्या मुलांना कोणताही संचालक शिफारस देत नाही, त्यांच्यासाठी आपण स्वतः जिल्हा बँकेत स्वतंत्र ऑफिस सुरू करणार असल्याचा निर्धार त्यांनी व्यक्त केला. खानापूर व आटपाडीतील कार्यकर्त्यांनी कोणताही न्यूनगंड न ठेवता जनतेची कामे हातात घ्यावीत, असेही ते म्हणाले.

या कार्यक्रमास माजी आमदार सदाशिवभाऊ पाटील, भाजप जिल्हाध्यक्ष सम्राट महाडिक, अशोक गायकवाड, वैभव पाटील, विलास काळेबाग, दाजी शेठ, संग्राम माने, आकाश माने, नितीन राजे, अजित गायकवाड, सुमित गायकवाड, मयूर गुळवणी, राजूभाऊ जानकर यांच्यासह भाजप व आरपीआयचे पदाधिकारी व कार्यकर्ते मोठ्या संख्येने उपस्थित होते.

हेही वाचा: ७/१२ उतारा, फेरफार, Index II ते वारस नोंद; जमिनीची १४ महत्त्वाची कागदपत्रे घरबसल्या कशी काढायची? जाणून घ्या अधिकृत वेबसाईट्स.

Share This Article
Follow:
सांगली टुडे डेस्क ही SangliToday.com या डिजिटल न्यूज पोर्टलची अधिकृत संपादकीय टीम आहे. आमच्या टीममध्ये पत्रकारिता आणि डिजिटल मीडिया क्षेत्रातील १० वर्षांहून अधिक अनुभव असलेले संपादक आणि वार्ताहर कार्यरत आहेत. आम्ही सांगली जिल्ह्यातील ताज्या मराठी बातम्या अचूक, पडताळलेल्या आणि जबाबदार पद्धतीने नागरिकांपर्यंत पोहोचवण्यास कटिबद्ध आहोत.Sangli Today वर सांगली, मिरज, तासगाव, वाळवा, जत, खानापूर (विटा), पलूस, शिराळा, कवठेमहांकाळ, कडेगाव आणि आटपाडी या तालुक्यांमधील राजकारण, प्रशासन, गुन्हे, शेती, हवामान, शिक्षण, आरोग्य आणि नागरिक प्रश्नांवरील स्थानिक बातम्या प्रकाशित केल्या जातात.प्रत्येक बातमी अधिकृत स्रोत, स्थानिक प्रशासन आणि प्रत्यक्ष घटनास्थळावरील माहितीनुसार Multi-level Fact-Checking प्रक्रियेतून पडताळूनच प्रकाशित केली जाते. सांगली जिल्ह्यावर केंद्रित Hyper-local reporting करून नागरिकांसाठी महत्त्वाच्या घटनांचे विश्वासार्ह वार्तांकन करणे हेच आमचे प्रमुख ध्येय आहे.Published by Sangli Today Desk – Local News Coverage from Sangli Districtसंपर्क आणि पारदर्शकता: संपादकीय कार्यालय: 3B, MIDC Kupwad Rd, Vidyanagar, Vishrambag, Sangli, Sangli Miraj Kupwad, Maharashtra 416416 ईमेल: hellosanglitoday@gmail.com
चॅनेल फॉलो करा